Latest News

Vaccine pe chhunzawm dawn

 Serchhip District chhunga Health Care Workers te hnena COVID-19 Vaccine, Covishield pek hna thawh mek chu Inrinni leh Pathianni te chawlh anih hnuah Vawiin hian Vaccine pekna tura ruahman hmun thum-ah pek chhunzawm a ni leh dawn a, thudawn danin Serchhip District chhunga mi 450 te hri danna pek turah ni 2 chhung khan mi 306 te chu hri danna hi pek hman an ni a, Presbyterian English School leh Midland M/S-ah mi 121 ve ve te hri danna pek ni tawhin Thenzawl CHC-ah mi 64 te hnenah hri danna hipek an ni tawh bawk a ni.

Chanchin thar thenkhat :

Health Minister hovin rel

Nimin khan Health Minister, Dr. R. Lal-thangliana hovin COVID-19 hripui leng mek kara Mizoram dinhmun thlirhona chu Chief Sec-retary's Conference Hall-ah neih a ni a, mipui ten awlsam zawka sample an test theih nan Aizawl khawpui hmun laili deuhah sample test theihna hmun pan awlsam tur, ‘Kiosks’ ruahman tha tih a ni a, Kiosk siam ngai tur zat leh a hmunhma turte a rang lama tihfel tum a ni. Hei bakah hian COVID-19 hrileng karah chhan hrang hrang vangin COVID-19 vei ni silo, natna dang vanga damlo inentir ngai ten harsatna an tawh theih thu sawiho niin hemi kawnga harsatna awm theite an rang lama chinfel a nih theih nan ruahmanna siam thuai tum niin Private Hospital pali (4) ten Rapid Antigen Test hmanga Sample Test ve an dil thu pawh tarlan a ni bawk.


Speaker in bial fang mek

Assembly Speaker, Lalrinliana Sailo chuan a bial, Chalfilh bial fang mekin nimin zing khan Khawlian-ah Primary Health Centre (PHC) sak tanna tur hmunhma laih mek chu a tlawh a, hun rei tak atanga an mamawh tawh Damdawi In chang-tlung tak hmarlam tlangdung khua ten Khaw-lian-ah an nei thei tur chu a lawmpui thu a sawi bawk. Hemi hnu hian Khawlian, NE Tlangnuam, Daido leh Luangpawn khua te tlawhin sawrkar hmalakna hrang hrangte a en nghal a, ruahman lawk ang chuan Vawiin hian khaw hrang hrang a tlawh chhunzawm leh ang.


MSCU thutkhawm neih a ni

Mizoram State Cooperatiove Union (MS-CU) Board of Directors thutkhawm chu nimin khan an President, K. Lalchamreia hovin Registrar of Cooperative Societies Meeting Room-ah an thukhawm a, he hunah hian Nov. 14-20, 2020 chhunga ‘All India Cooperative Week’ hman dan tur relin, hri leng avanga punkhawm neih a remloh avangin Cooperative Week Awareness thehdarh turin Media hman tangkai leh hmun remchang apiangah banner tar te rel a ni.


MZP in Thlam sak hna tan

MZP General Hqrs. bultumin tunhnaia Assam Police leh Assam Forest Department ten Thing-hlun khuaa John Zolawma Thlam an hal chhiatsak sak that hnatlang chu nimin khan neih tan a ni a, he hunah hian Mizoram hmun hrang hranga MZP member thahnem tak an thawkchhuak a ni. MZP chuan Cachar  DC hova Mizo Thlam hal anih hnu a Assam lam atanga ngaihdam dilna awm silova DC Level-a inbiakna neihpui an ni leh si chu an pawm lovin an dem takzet tih an sawi a. Assam lamin ngaihdam an dil hma loh chuan inbiakna hi neihpui ni tawh lo se an duh thu leh Thinghlun khaw daiah IR Post dahnghet tura Mizoram sawrkar an ngen thu an sawi bawk.


Sawrkar ruahmanna ah lawm

MNF Thalai, Mizo National Youth Front (MNYF) chuan Mizo thalai  Civil Service-a luh tumte Full Sponsorship leh Scholarship siam te,  Prelims leh Mains-a inziak tlingte tana Cash Incentive Award siam leh zirlaite puihna tur rua-hmanna hrang hrang siam a ni chu lawmawm an tih thu nimin khan thuchhuah siamin an sawi a. Central Service-a lut thei tur hian sum senso a hautak em em tih sawiin, chhungkaw dinhmun tha tak tan lo chuan thil huphurhawm tak a ni tih an sawi a. Sawrkar hmalakna ti hlawhtlingtu tur ber zawk zirlaite pawh All India Central Service-a lut tura theihtawp chhuah sauh sauh turin duhsakna an hlan nghal bawk.

Comments

Chhiar Hlawhte