Rulchawm khua ah leimin in In 3 a chimpui

Saitual District chhung Rulchawm khuaa chenna In luahlai pahnih leh sak mek pakhat te chu nimin zing khan leimin in chimpuiin mihring thi leh hliam an awmlo.

Thudawn danin leiminna hmun hi Rulchawm Playground chung ami a ni a, Rulchawm Playground hi laihzauh niin hetah hian lung halna te hmangin hna thawh a ni a, hemi nghawng zelah hian lei hi a nghet lo ta deuh nia rin niin nimin zing khan kopang chu min in a chhaka In pathum te hi a minpui ta a ni. Thudawn danin helai hmuna lei te hi niminpiah tlai khan a che tan a, ruah a sur nasat avangin lei hi a che nasa zel a, hei vang hian chenna atana luahlai In pahnih-a bungrua te pawh hi thiarchhuah nghal a ni a, heng In pahnih bakah a bula sak lai, la luahloh te hi leimin hian a chimpui ta a ni. Heng In chhia te hi F. Kapliana leh Hrangbawiha te luahlai bakah Thazeli te In rel lai te a ni a, heng bakah hian chhungkaw panga (5) te pawh hmun him lamah thiarchhuah an ni bawk.

Helai hmuna lei te hi ala che chhunzawm reng nia thudawn a ni a, hei vang hian Vawiin-a In chhia thiah hnatlang neih tura ruahman pawh thulh lailawk rih a ni bawk.