Ni 2 chhungin hri kai 5 hmu

Zirtawpni leh Inrinni-a Sample enfiah atangin Serchhip District-ah COVID-19 hri kai mi 5 hmuh leh an ni.

Zirtawpni khan Serchhip-a TrueNat Laboratory-ah Sample 42 enfiah leh niin heng atang hian COVID-19 hri kai mi pathum hmuh-chhuah leh an ni a, heng hri kai hmuhchhuah te hi Serchhip Chanmari Veng-a khawsa niin chhung-kaw khat-a cheng an ni a, hmeichhia kum 32 mi leh a fate pahnih- kum 4 leh kum 6 mi te niin tunhnaiah an chhungkaw nu ber chuan hri a kai tih hmuhchhuah ni tawhin chhungkua-a hri inkaichhawng nia rin an ni.

Inrinni khan Serchhip District-a TrueNat Laboratory-ah Sample 24 enfiah leh niin heng atang hian hri kai mi pahnih hmuh leh an ni a, heng hri kai hmuhchhuah te hi mipa leh hmeichhia niin tualchhung-a hri inkaichhawng an ni lo thung a, Mipa hi Thentlang khua a cheng Manipur atanga lo haw niin Hmeichhia hi Serchhip AOC Veng a cheng, Bihar atanga lo haw a ni thung a, sawrkar hmunhmaa inkhunghrang lai ve ve an ni.

Tun dinhmunah Serchhip District-ah COVID-19 hri kai enkawllai mi 21 an la awm mek a, an vai hian Serchhip District-a hri kai hmuhchhuah vek niin tunhnaia tualchhung a hri inkaichhawnna a hri kai mi 17 zet an awm bawk a ni.