Lalduhoma’n insawifiahna lehkha a thehlut

Zonuna Kawlni /

Rorellai pawl MNF MLA 12-in Anti-Defection Law bawhchhiaa an puh ZPM Legislature Party Leader, Lalduhoma chu Assembly Secretariat-in Sept. 24, 2020-a insawifiah tura a tih angin insawifiah tura hun pek tawp ni, nimin khan a insawifiahna a thehlut.

Lalduhoma hian Anti-Defection Law bawhchhiaa puh a nih chungchanga a insawifiahna hi amah kal lovin a Personal Assistant hmangin a thehlut a, hemi chungchanga zawhna chhangin Lalduhoma chuan, a insawifiahna thehlut tur hian Assembly Speaker, Lalrinliana Sailo chu a fapa nupui neih tur vangin Pisa a kal thei lova, Speaker ber a awm tak lohvah chuan a aiawhin a PA-in Assembly Secretary hnenah a thehlut tih a sawi.

Assembly Commissioner & Secretary, H. Lalrinawma chuan Lalduhoma hnen atangin insawifiahna lehkha an dawng tih sawiin, insawifiahna chu Assembly Speaker-in a zirchiang leh dawn tih leh thutlukna chu Speaker kutah a in nghat tih a sawi bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »