Mizoram-ah hri kai hmuhchhuah an pung zel

Niminpiah-a Mizoram-a Sample enfiah atangin COVID-19 hri kai mi 27 zet hmuh leh an ni a, an zinga tam zawk hi tualchhunga hri kai hmuhchhuah tawh te nen inkawmhnaih atanga hri kai hmuhchhuah an ni.

Niminpiah-a Mizoram-a COVID-19 hri kai hmuhchhuah zinga mi 22 te hi Rapid Antigen Test hmanga hri kai hmuhchhuah niin an zinga mi 17 chu Aizawl District-a hri kai hmuhchhuah an ni a, Zarkawt-ah hri kai 13 hmuhchuah niin hri kaichhawnna hriatloh vek an ni a, Chaltlang Venglai, Chanmari, Dawrpui leh Chhinga Veng atangin hri kai pakhat theuh hmuh niin symptom neih vanga test vek an ni. Heng bakah hian Lawngtlai leh Serchhip District-ah hri kai 2 ve ve hmuh niin Mamit District-ah hri kai pakhat hmuh a ni bawk. Nimin-a Rapid Antigen Test hmanga Sample enfiah zawng zawng chu 588 a ni.

Niminpiah vek khan ZMC Laboratory-ah Sample 546 enfiah niin hri kai 3 hmuh an ni a, Aizawl Bethlehem Veng, Chanmari West leh Dawrpui Veng ami te niin pahnih te chu Symptom nei an ni. Nimin vek khan District hrang hranga TrueNat Laboratory-ah Sample 103 enfiah niin hri kai 2 hmuh an ni bawk a, Champhai leh Kolasib District mi niin State pawn aanga rawn lut ve ve an ni thung.

Heti hian Mizoram-a COVID-19 hri kai hmuh-chhuah chu mi 2280 an tling ta a, an zinga mi 2163 te chu enkawl dam ni tawhin tunah hian hri kai enkawllai 117 an awm leh tawh a ni.

India-ah hri kai enkawl dam pung zel :

Nimin thleng khan India ramah COVID-19 hri kai hmuhchhuah chu 75,97,063 an tling tawh. India ramah hian sample 9,61,16,771 enfiah ni tawhin heng atang hian hri kai hmuhchhuah hi 75,97,083 niin Sample enfiah atanga za zela 7.90 te chuan hri hi an kai a, darkar 24 kalta chhung khan mi 69,720 te chu enkawl dam niin tun thlengin mi 67,33,328 enkawl dam an ni tawh a, hei hi hri kak hmuh atangin zaa 88.26 an ni.

Tunah hian India ramah hri kai enkawllai mi 7,48,538 awmin hei hi hri kai hmuhchhuah atangin 10.23% a ni a, hri kai zingah nunna chan 1,15,197 awmin hei hi hri kai hmuh atangin zaa 1.52 a ni bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn