Tuitla ruang hmuin vuiliam

Tun thla ni 8-a Serchhip leh Vanchengte in-kar Tuikum lui-a chesual leh tui-a tla zui ta, K. Lalngaihdami chu Inrinni khan a ruang hmuh niin Inrinni vek khan vuiliam nghal a ni.

Serchhip IOC Veng-a cheng, K. Lalngaihdami (14) D/o K. Chanchinmawia hi tui a tlak atanga ni 7 zawn a nih hnuah hmuh a nih loh avangin kar kalta Ningani khan khawtlang huapa zawnna titawpin Zirtawpni khan an chenna In-ah Kohhran lamin a thlahna hun an hmang a, Inrinni khan an awmna Chhekhnai Branch YMA chuan tuitla zawnna hi nei lehin Veng hrang hrang atanga thawk te nen mi 100 vel zet an thawkchhuak leh a, hei mai bakah hian Sairang atangin tui tla zawng tur hian mi 17 zet an rawn kal bawk a ni.

Tui tla zawng-a thawkchhuak zinga mi thenkhat te chuan a chetsualna atanga rawn zawng lehin a chetsualna atanga lui mawng lam KM khat leh tlem vela hla, Sipai Lui chhuah Li hnar a Lungpui hnuaiah Lalngaihdami ruang hi Inrinni chhun dar 12:35 vel khan hmuh a ni a, hemi hnu hian an chenna In-ah a ruang hi lak nghal niin Inrinni vek tlai dar 4:00 khan vuina hun hman nghal a ni bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn