Latest News

Vaimim tharchhuah lei mek

Mizoram Sawrkar Flagship Programme, SEDP hmalakna kaltlangin Serchhip-a Agriculture Department chuan loneitute Vaimin tharchhuah sa leikhawm leh hralhchhuah an buaipui mek.

Serchhip SDAO, K. Laltlanmawia sawi danin SEDP hmalakna hnuaiah Serchhip District-ah hian Vaimim chi tha quintal 28 chu a ching tura thlanchhuah khaw 7-a loneitute chin tir an ni a. Heng Vaimim tharchhuah te hi Agriculture Department chuan lei sak lehin, tun dinhmunah Vaimim quintal 1400 leikhawm a ni tawh a, kumin hian quintal 2000 vel lei thei turah an in ngai a ni. Vaimim tharchhuah te hi a kawm nen Kg. ah Rs. 15/- zela leiin, a nuai thlak sa chu Kg. ah Rs. 18/- a leisak an ni a. Agriculture Department in a lei sa te hi AH&Vety Deprtment hnenah te leh mimal Vawk leh Ar vulhtute hnen ah man man zawkin an hralhchhuak leh thin a ni.

Comments

Popular News (Last 30 Days)