PMVDY hnuaiah VDKA Advocacy/Training neih a ni

Nimin khan North Vanlaiphai-ah Pradhan Mantri Van Dhan Yojana (PMVDY) hnuaia Van Dhan Vikas Kendras (VDVK) Advocacy leh Training neih a ni.

North Vanlaiohai VC Information Hall-a VDVK Level Advocacy Programme on PMVDY leh Training on Sustainable Harvesting and Value Addition of Minor Forest Produce (MFP) neih hi Serchhip District-a PMVDY Nodal Officer, Lalrinmawia chuan kaihruaiin Serchhip District-a Asst. Registrar of Cooperative Societies (ARCS) leh PMVDY District Implementing Officer ni bawk, K. Lalduhawma chuan PMVDY chungchang sawifiahin, PMVDY chu ramngaw hausakna mumal leh hlawk zawka tribal miten an chhawrna tura ruahman a nih thu a sawi a, hmalakna tur khuaah Self Help Group te hmanga Van Dhan Vikas Kendra (VDVK) dinin he hmalakna hnuaiah hian Minor Forest Produce (MFP) an lakhawm anga, a hlutna a theih anga an belh hnuah man man zawka hralh tur a nih thu a sawi bawk.

He hunah hian North Vanlaiphai VC President, F. Lalremruata N. Vanlaiphai VDVK Leader, Lalbiakmawii te pawhin thu sawiin, he hmalakna cuhngchang hi an sawifiah bawk a. Chawhnu lamah H. Lalbiala, Master Trainer chuan he huna tel te chu ramhnuai hausakna hrang hrang, Minor Forest Produce (MFP) lakkhawm dan leh a hlutna belh dan a zirtir a. North Vanlaiphai VDVK in MFP an thlan hi Hmunphiah (Hill broom) a nih angin Hmunphiah sawngbawl dan pawh zirho nghal a ni bawk.

Comments

Chhiar Hlawhte