Serchhip District-ah hri kai leh enkawl dam awm zel

Zirtawpni-a Serchhip District-a Sample enfiah atangin COVID-19 hri kai mi 2 hmuh belh niin State pawn atanga rawn lut ve ve an ni.

Zirtawpni khan Serchhip District TrueNat Laboratory-ah Sample 20 enfiah niin heng atang hian COVID-19 hri kai mi 2 hmuh belh leh an ni a, heng hri kai hmuh belh te hi mipa ve ve niin kum 19 leh 20-a upa, Assam atanga rawn kal an ni a, Lushai Engineers Construction Company hnuaia thawk niin Mizoram an rawn luh hnuah inkhunghranna hmunah dah nghal niin an Sample enfiah a nih hnuah hri an kai tih hmuh-chhuah an ni a, Chhiahtlang Tourist Lodge CCC-ah dahluh nghal an ni bawk.

Zirtawpni vek khan Serchhip District-ah Rapid Antigen Test hmangin Sample 6 enfiah niin hri kai hmuhchhuah thar an awmlo a, Inrinni khan TrueNat Laboratory-ah Sample 12 enfiah leh niin hri kai hmuhchhuah thar an awmlo thung.

Inrinni khan Serchhip District-a hri kai hmuhchhuah mi 5 te chu enkawl dam an nih hnuah anmahni enkawlna hmun atanga chhuahtir an ni a, heng mite hi BSF Sipai te vek niin Nursing School CCC-ah enkawl an ni a, nimin khan Nursing School CCC atang vek hian mi 3 chhuahtir ni lehin District dang mi pahnih leh Serchhip District-a hri kai hmuh pakhat te an ni bawk. Heti hian nimin thleng khan Serchhip District-a COVID-19 hri kai hmuhchhuah chu mi 61 an tling ta a, an zinga mi 34 te chu enkawl dam ni tawhin tunah hian hri kai enkawllai 27 an la awm mek a ni.

Serchhip District-ah hian District pawn atanga hri kai enkawl tur rawn dah belh an la awm zel avangin heng te nen hian Serchhip District-ah hri kai enkawllai 73 an la awm mek thung a, an zinga mi 68 te chu BSF Sipai, Nursing School CCC-ah dah lai niin Chhiahtlang Tourist Lodge CCC-ah hri kai enkawllai 5 an la awm mek bawk a ni.

Comments

Chhiar Hlawhte