Mizoram Rajya Sabha MP in Union Minister a hmu

Mizoram Rajya Sabha MP, K. Vanlalvena chuan niminpiah khan Union Minister of Jal Shakti, Gajendra Singh Shekhawat chu a Pisa-ah kawmin Mizoram-a ruahtui khawl kalpui ve dan tur chungchang a sawipui.

Tunhnai khan Mizoram Rajya Sabha MP hian Union Minister of Jal Shakti, Gajendra Singh Shekhawat-a ruahmanna in Rajasthan State-a ruahtui khawl an kalpui dan chu enfiahin Union Minister a hmuhna ah hian a zinna-a a thil hmuh te sawiin, Mizoram tana hma lak ve dan tur te an sawidun nghal a. Mizoram Rajya Sabha MP chuan Mizoram chu tlangram a nih avang leh tlangpang-a khua te awm a nih avangin Rajasthan a ruahtui khawlna an kalpui dan ang diak diak a tih ve a remchan loh dan hrilhin, ruahtui khawl dan chi thum - Tlangchhip-a concrete tuizem lian siam te; khaw sir leh hmun remchang laia tuikhuah siam a, Solar Power hmanga Pump te; Inchunga ruahtui khawlna tuizem siamte tihsak turin a ngen a. Union Minister Shekhawat chuan Mizoram leilung mila ruahtui khawlna project kalpui a nih tur thu leh chak taka hmalak a tum thu Mizoram Rajya Sabha MP hi a lo hrilh bawk a ni.