COVID-19 hri kai mi 34 hmuh belh leh an ni

/

Niminpiah khan Mizoram-ah COVID-19 hri kai mi 34 hmuhchhuah leh niin Mizoram-a hri kai hmuhchhuah pawh 2527 an tling ta.

Niminpiah khan ZMC Laboratory-ah Sample 798 enfiah niin heng atang hian COVID-19 hri kai mi 14 hmuhchhuah an ni a, an vai hian Aizawl District-a hri kai hmuhchhuah te vek niin Salem Veng-ah hri kai 7 hmuhchhuah niin Muanna In Boys’ Home-a hri kai nen inkawmhnaih atang hri kaichhawng niin an zingah hian nausen thla 10 mi a tel a, Durtlang Leitan-ah hri kai mi 2 hmuhchhuah niin Chanmari, Ramhlun South, Tuivamit leh Selesih atangin hri kai pakhat theuh hmuh a ni a, Hotel-a inkhunghrang lai pakhat chu hri a kai tih hmuhchhuah a ni bawk.

Niminpiah khan District hrang hranga TrueNat Laboratory-ah Sample 96 enfiah niin hri kai 3 hmuh an ni bawk a, Mamit District-a Damdiai khua ah State pawn atanga rawn haw mi 2 leh Siaha District-ah Assam Rifles mi pakhat te niin tunhnaia zinchhuahna nei an ni bawk.

Rapid Antigen Test hmangin niminpiah khan sample 868 enfiah niin hri kai 17 zet hmuh an ni bawk a, an zinga mi 16 te chu Aizawl District-a hri kai hmuhchhuah niin Rosebud School, Ramhlun Venglai-ah mi 2 leh Staines Memorial School, Chanmari-ah hri kai 3 hmuh an ni a, Chanmari Veng-ah hri kai 2, Laipuitlang leh Dinthar-ah hri kai pakhat ve ve hmuin Electric Veng-ah hri kai 6 hmuh an ni bawk a, hri an kaina hriatloh niin Khawruhlian khua ah hri kai pakhat hmuh a ni bawk. Niminpiah vek khan Lawngtlai-ah hri kai tawh atanga hri kaichhawng pakhat hmuhchhuah a ni bawk.

Nimin khan Mizoram-ah hri kai mi 21 enkawl dam leh niin tun thlengin Mizoram-ah hri kai 2527 hmuhchhuah niin mi 2236 enkawl dam an ni tawh a, hri kai enkawllai 291 an la awm mek a ni.

Darkar 24 chhungin hri kai hmuhthar an tlahniam :

Darkar 24 kalta chhungin India ramah COVID-19 hri kai hmuh thar nasa taka tlahniamin hri kai 36,470 hmuh an ni. Ministry of Health & Family Welfare chhinchhiahna atanga a lan danin darkar 24 kalta chhung khan India ramah Sample 9,58,116 enfiah niin hri kai 36,470 hmuh an ni a, July 19, 2020 hnua nikhat-a hri kai hmuh an tlem ber tum leh ni 99 chhunga hri kai hmuhchhuah tlem ber tum niin, India rama hri kai hmuhchhuah chu 79,46,429 an tling tawh a ni.

Darkar 24 kalta chhung hian India ramah hri kai 63,842 te chu enkawl dam niin tun thlengin hri kai 72,01,070 enkawl dam an ni tawh a, hei hi hri kai hmuhchhuah atangin zaa 90.62 niin tunah hian enkawllai mi 6,25,857 an la awm a, tun thlengin hri kai zingah nunna chan 1,19,502 an awm tawh bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »