'Mizoram Kailawn 2020-Accelerator' chhawpchhuak

/

Mizoram Sawrkar-a Planning & Programme Implementation Department leh Mizoram Entrepreneurship Monitoring Committee (MEDMOC) in Indian Institute of Management, Kolkota nen a tangkawpa an buatsaih, 'Mizoram Kailawn 2020-Accelerator' chu chhawpchhuah a ni ta.

'Mizoram Kailawn 2020-Accelerator' hi Entrepreneur tha, thluak hmangthiam, mipui mamawh phuhru tur zawnga ruahmanna siama eizawnna leh sumdawnna bultan tawh (Startup) leh hun engemaw chen sumdawnna lo kalpui tawh sum leh pai pawh la lut te zingah hmasawn zel tura theihtawp a hun pum a thawk te tana intuaihriamna hun leh hmasawn zel thei tura zirbingna a tel duh te tana ruahman a ni a. Mizoram chhunga eizawnna leh sumdawnna kalpui mek tupawh tel theih niin tawng dang thiamlo leh lehlin sak ngai te pawh lehlin saktu ruahman a ni.

'Mizoram Kailawn 2020-Accelerator' a tel te hi Indian Institute of Management Kolkota Innovation Park (IIMCIP) atanga mithiam te leh hmun hrang hranga Entrepreneur hlawhting ten thlanchhuah bik mi 30 tan intuaihriamna hun Growth Certification Cohort chu thla ruk(6) chhung an hmanpui anga. Chumi atang chuan a tha chungchuang bik 10 thlangchhuak lehin thla ruk (6) dang zirbingna hun, Growth Mentoring Cohort buatsaih leh tur a ni ang. Sumdawnna lam hawi zirna hmun tha chungchuanga thawk leh a tak a kalpui mek sumdawnna lama mithiam chungchang ten intuaihriamna hun leh zirbingna hun an hmanpui dawn avangin ram tana hmasawnna kawnga hlawk taka thawk thei tura inbuatsaihna a ni ang. Hrechiang duh tan https://edc.mizoram.gov.in/page/mizoram-kailawn-accelerator-programme-ah ngaihven theih a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »