Tui tla hmuh ala ni lo

Ningani kalta a Tuikum lui-a tla, Lalngaihdami chu nimin thleng khan khawtlang in la zawngin Vawiin thleng khawtlang huapa zawn hna hi thawh a ni ang.

Ningani kaltaa Tuikum lui, Van-chengte kai-a chesual-a tui-a tla, Lalngaihdami (14), Serchhip IOC Veng hi nimin, a ni 6-na thleng khan khawtlang huapin ngawrh taka zawn leh niin he thu kan buatsaih lei thleng hian chanchin lawmawm lam erawh hriat tur ala awm lova, niminpiah lama tui tla zawng tura Tuipui ‘D’ atanga rawn kal mi 14 te chuan a tlakna hmun atanga lui mawnglam thui tak dap mah se engmah thil hmuh thar nei lovin nimin khan an khua an pan leh a, niminpiah a tui tla zawng tura rawn thawkchhuak Nghalchawm lam mi 11 te chuan nimin khan Tuikum lui hi pan lehin a chetsualna hmun atangin lui an dap thla ve leh a, engmah chanchin lawmawm hriat tur a awmlo thung.

Tui tla zawn hna thawh mek hi Mizo Dan ah khawtlang huapa ni 7 thawh tur niin Vawiin thleng hian khawtlang huapa tui tla zawn hna hi thawh a ni dawn a, nizan lam khan Vawiin-a hun hman dan tur pawh rel a ni bawk.