ATM-a harsatna thlen

Serchhip District Consumers Association hruaitute chuan nimin khan State Bank of India (SBI) General Manager hmuin Serchhip-a ATM chungchanga harsatna awm te an sawipui.

Aizawl Babutlang-a State Bank of India (SBI) General Manager an hmuhna ah hian Serchhip District Consumers Association hruaitute chuan New Serchhip-a FIS ATM chhe ngun lutuk chu mipui tan harsatna siamtu anih thu sawiin, Ser-chhip Bazar lama ATM awmchhun pawh a chhiat ngun thu an sawi a, Serchhip-a ATM dah belh anih theih nan hmalaksak turin SBI General Manager hi an ngen a ni.

Heng an thu thlen te hi SBI General Manager chuan lo ngaihthlak sakin harsatna sutkian a nih theih nan theihtawpa hma an lo lak tur thu a sawi a, Serchhip-a ATM dah belh anih theih nan Private Company lam pawh an dawr mek thu an sawi bawk. Serchhip District Consumer Association hruaitute hian Serchhip ATM chung-changah hian SBI General Manager hnenah hian harsatna awm te ziakin an lo thlen tawh a ni.