Inkhunghrang turin hriattir

Tunhnaiah State pawn atanga lirthei rawn khalhtute nena cheng ho nia hriat Serchhip Lei-sang Veng-a chhungkaw pakhat chu In lama inkhung-hrang tura tih niin nimin khan an Swap Sample chu enfiah tura lak a ni.

Serchhip Kawnpui North Branch YMA hruaitute hnen atang thu kan dawn danin kar kalta khan an Branch huam-chhunga chhungkaw pakhat chu State pawn atanga bungraw rawn phurtu lirthei khalhtute nen In lamah an khawsa ho tih hriat a ni a, hemi hmalam hian he chhungkua hi fimkhur tur pawha an lo hrilh tawh thu sawiin, bungrua rawn thleng a awm a nih pawhin lirthei enkawltute nen lo khawsa ho lo tura hriattir an ni thin a ni.

Amaherawh chu Zirtawpni zan-a hemi te chhungkua an enfiah tumin State pawn atanga lirthei rawn khalhtute nen hian an khawsa ho tih finfiah niin he lirthei hmang hian midang ten Hnah-thial lamah bungrua hi an sem zui tih hriat a ni a, hetianga State pawn atanga rawn haw te nen an lo khawsak ho avang hian thuneitute hnenah thlenin he chhungkua hi In lama inkhunghrang tura tih an ni ta tih an sawi.

Hetianga In lama inkhunghrang tura tih an nih hnuah hian nimin khan he mite chhungkua hi an dinhmun hrechiang turin Swab Sample chu lak sak an ni a, Vawiin lamah enfiah turin ZMC Laboratory-ah thawn tur niin Sample 6 an lak sak nia thudawn a ni.

Comments

Chhiar Hlawhte