Latest News

Vaccine pe chhunzawm dawn

 Serchhip District chhunga Health Care Workers te hnena COVID-19 Vaccine, Covishield pek hna thawh mek chu Inrinni leh Pathianni te chawlh anih hnuah Vawiin hian Vaccine pekna tura ruahman hmun thum-ah pek chhunzawm a ni leh dawn a, thudawn danin Serchhip District chhunga mi 450 te hri danna pek turah ni 2 chhung khan mi 306 te chu hri danna hi pek hman an ni a, Presbyterian English School leh Midland M/S-ah mi 121 ve ve te hri danna pek ni tawhin Thenzawl CHC-ah mi 64 te hnenah hri danna hipek an ni tawh bawk a ni.

Hri kai enkawl 3 te dam

Serchhip District-a COVID-19 hri kai enkawl mi 3 te chu enkawl dam an nih hnuah nimin khan chhuahtir an ni.

Serchhip Tarpi tlang SIRD-a Dedicated COVID Health Centre (DCHC)-a hri kai enkawl mi pakhat chu enkawl dam a nih hnuah nimin khan DCHC atang hian chhuahtir a ni a, he hri kai hi sipai niin hun engemaw chen Thenzawl CCC-a enkawl a nih hnuah tun thla ni 9 khan DCHC-ah hian rawn dah a ni.

Hetihlai hian Thenzawl AYUSH Hospital COVID Care Centre (CCC)-a COVID-19 hri kai enkawl mi pahnih te chu enkawl dam an nih hnuah nimin khan chhuahtir an ni bawk a, heng mite hi Aizawl District mi ve ve niin July 30 khan Thenzawl-a CCC-ah hian dahluh an ni a, pakhat hi Assam Regiment niin pakhat hi Civil mi a ni.

Hetihlai hian tunhnai khan Thenzawl CCC a enkawllai mi 2 te chu ZMC-a enkawl tura refer an nih bawk avangin Serchhip District-ah COVID-19 hri kai enkawllai mi 38 an la awm mek a, heng te hi Serchhip-a DCHC-ah mi 10 leh Thenzawl a CCC-ah mi 28 te an ni.

Comments

Chhiar Hlawhte