Latest News

NYK in lawmman an sem

Nehru Yuva Kendra (NYK) Serchhip District in inkharkhipna kalpui chhunga Faina lam lem inziahsiakna leh Essay inziahsiakna an buatsaih chu zawhfel niin lawmman dawngtute hnenah nimin khan lawmman hlan a ni.

Nehru Yuva Kendra (NYK) Serchhip District hian hri leng avanga inkharkhipna kalpui a nih chhung hian ‘Bawlhhlawh awmlohna khua’ tih thupui hmangin Online Painting Competition & Essay Writing Competition buatsaihin ‘Kan khua –Khawfai’ tih hmanga Online Drawing Competition an buatsaih ah Lalawmpuii, Serchhip Hmar Veng chuan lawmman pakhatna dawngin Essay inziah-siakna ah C. Lalramliana, New Serchhip Veng in ‘FREE DIRT VILLAGE (Bawlhhlawh awm-lohna khua)’ tih hmanga a ziah chuan lawmman pakhatna a dawng bawk a ni.

Heng lemziak leh Essay inziahsiak lawmman te hi nimin khan NYK Serchhip District-a District Youth Coordinator, Amlajit Hazarika chuan NYK Serchhip District Office-ah a hlan a, lawmman ah pawisafai leh thuziak hlan an ni. NYK Serchhip District hian inkhar-khipna kalpui a nih chhung hian taksa hriselna atan faina leh taksa insawizawi kawngah nasa takin hma an la a ni.

Comments

Popular News (Last 30 Days)