Latest News

Taxi leh Auto Rickshaw rate sawihona nei

Nimin khan Serchhip-ah District Bawrhsap hovin Taxi leh Auto Rickshaw rate chungchang sawihona neih niin rate thar tura rawtna, STA-a thlen tur ngaihtuah a ni.

Mizoram State Transport Authority (STA) chuan Mizoram puma Taxi leh Auto Rickshaw rate thuhmun hman a nih theih nan rate hman mek chungchang sawihona nei tura District tin a hriattir angin nimin khan Serchhip-ah pawh DC Meeting Hall-ah District Bawrhsap, Kumar Abhishek hovin Taxi leh Auto Rickshaw rate chungchang hi sawiho a ni a, he sawihona hunah hian Addl. DC, Lalmuansanga Ralte leh Transport Department atangin District Transport Officer, Lalengliana Hnamte leh MVI atangin Lalrohlua bakah Taxi leh Auto Rickshaw neitu aiawh leh Consumers Association hruaitute pawh an tel a ni.

He Meeting hian STA-a Taxi leh Auto Rickshaw rate rawt tur sawiho in Serchhip-a Auto Rickshaw rate chu tuna hmanlai, nikum July thla atanga hman tan chu hman zui zel nise an ti a. Taxi erawh chu Serchhip leh a chhehvel-ah KM khat zelah Rs. 35/- leh KM khat hnu lamah KM khat zelah Rs. 25/- zela pung tura ruahman niin khual khaw hla zawkah chuan KM khat zelah Rs. 30/- leh KM khat hnu lamah KM khat ah Rs. 25/- zela pung tura rawt a ni bawk.

Comments

Popular News (Last 30 Days)