Latest News

Online Exam kalpui turin thuchhuah a awmlo

School Education Minister, Lalchhandama Ralte chuan zirlaite tana Online Exam kalpui tura thuchhuah a awmloh thu sawiin, Online Exam lo buatsaih an awm chu a hriatpui loh thu a sawi.

MZP General Hqrs. hruaitu ten nimin-a a Pisa-a an kawmna ah School Education Minister chuan he thu hi a sawi a, he an inkawmna ah hian MZP hruaitute chuan zirna In hrang hrang ten naupangte hmakhua ngaia an Thluak chawl tur ven nana hma an la chu tha an tih thu leh an thlawp thu sawiin, chutihrual chuan kan ram-a Internet Signal chak tawk loh avangte, chhungkaw pakhata zirlai pakhat aia tam awm ten Online Class zawm nan Smart Phone an mamawh theuh avang leh chhungkaw tam tak tan phurrit a nih bakah sawrkarin Omit Portion a la siam felloh laia Aizawl khawpui chhung School thenkhatah Online Exam kalpui an awm chu hriatthiam harsa an tih thu an sawi a. Heng harsatna hrang hrang ngaihtuah hian tun dinhmunah Online Exam kan la zo lo nia a lan thu leh Online Exam kalpui chhunzawm anih loh nana hmala turin Minister hi an ngen a ni.

Education Minister chuan Zirlaite tana Online exam kalpui turin thuchhuah a awm lo tih sawiin, “Online Exam chu ka hriatpui lova, Compulsory a ni lo,” a ti a. MZP in zirlaite harsatna hriaa hma an la thin chu lawmawm a tih thu pawh sawiin, MZP rawtna leh thu thlente chu a tul anga lo enzui a, hma a lak tur thu a sawi bawk.

Comments

Popular News (Last 30 Days)