Hri kai enkawl mi 6 te dam

Serchhip District-a COVID-19 hri kai en-kawl dam mi 6 te chu nimin khan anmahni enkawlna hmun atanga chhuahtir an ni. Thudawn danin tunhnaia ZMC atanga Thenzawl AYUSH Hospital, COVID Care Centre (CCC)-a enkawl tura rawn dah mi 6 te chu hri lakah an fihlim tak avangin nimin khan anmahni enkawlna hmun atanga chhuahtir an ni a, heng hri kai enkawl dam te hi hnamdang mipa 4 leh Mizo pahnih niin hnam-dang  te hi Assam Rifles 2 bakah Army leh NDRF mi leh sa pakhat ve ve an ni a, Civil mi pahnih te hi mipa leh hmeichhia niin Aizawl mi ve ve an ni thung.
Hetihlai hian Thenzawl CCC-ah hian nizan hmasa khan BSF Sipai hri kai hmuh-chhuah zinga mi 10 chu Neihbawih atangin dahluh belh leh an ni thung a, heti hian tun dinhmun ah Thenzawl CCC-ah hian mi 15 enkawl mek niin an zinga mi 14 chu mipa niin hmeichhia pakhat a tel bawk. Heng mite bakah hian Serchhip District-ah hri kai enkawl pakhat, Serchhip DCHC-ah enkawl mek a ni a, tun dinhmun ah Serchhip District-a hri kai enkawl chu mi 16 an ni.

Comments

Chhiar Hlawhte