Online hmangin Doctor rawn theih a ni dawn

COVID-19 hripui leng mek avanga damlo ten awlsam zawk leh pawn chhuak lova mahni In atanga Doctor te an rawn zung zung theih nan ruahmanna siam a ni.

Hemi chungchangah hian Ministry of Health & Family Welfare chuan ruahmanna thar siamin Telemedicine E-Sanjee-vani OPD Application chu mipuite hman theih turin a ti a, hemi bawhzui hian National Health Mission(NHM) Mizoram chuan mipuiten hlawk tak leh tangkai taka an chhawr thuai theih nan chak taka hma la nghalin Teleconsultation Service, E-SanjeevaniOPD hmanga mipui ten in enkawlna tha zawk leh mipui tam zawkin an chhawr tangkai ngei theih nan duty roster October ni 2, 2020 thleng a siam a ni.

eSanjeevani OPD (Stay Home OPD) hi internet kaltlanga Video based clinical consultations tihtheihna tura Center for Development of Advanced Computting(C-DAC) ten an siam niin Computer leh Mobile application hmanga Doctor thiamte rawn theihna a ni a, play-store ah eSanjeevaniOPD-National Telecon-sultation Services chhut a download mai theih a n ai. Computer leh Laptop atanga lut duh tan www.esanjeevaniopd.in ah luh theih a ni bawk.

He ruahmanna hnuaiah hian Mizo Specialist Doctor thiam tak takte pawh Thawhtanni atanga Zirtawpni thlengin chawhnu dar 2:00 atanga tlai dar 4 thleng he application hmang hian mahni awmna hmun atangin rawn theih thin a ni dawn a. Thawhtanni-ah Medicine, Thawh-lehni-ah Obstetrics and gynaecology; Nilaini-ah Paediatrics; Ningani-ah Surgery leh Zirtawpni ah Oncology te rawn theih an ni ang.

Comments

Chhiar Hlawhte