Chanchin thar thenkhat :

 Mizoram-a luh hun tur siam

Mizoram sawrkar chuan chawlhkar khat-ah ni 3 chhung chiah Mizoram-a luhna turin ramri hawng rih turin ruahmanna a siam. Hemi chung-changa sawrkar thuchhuah in a tarlan danin Mizoram Sawrkar chuan COVID-19 hrileng vei an pun chhoh dan te zirchiangin ngun taka a ngaih-tuah hnuah he hrileng a darh chak lohna turin tuna karkhat chhunga nitin-a khualzin rawn lut thin chu a him tawk loah a ngai a. Hei hi siam dang-lamin Mizoram Chief Secretary leh State Disaster Management Authority-a State Executive Committee Chairman ni bawk, Lalnunmawia Chuaungo chuan thupek a chhuah a. He thupek ang hian khualzinmite chu Thawhtanni, Nilaini leh Zir-tawpni-ah te chiah Vairengte atang te, Kanhmun atang te leh Lengpui Airport atangte in Mizo-ram-ah an rawn lut thei anga, hei hi thu leh awm hma chu hman tur niin ramri-a inkalpawhna dang te chu khar zui zel tur a ni ang.

Mizoram-ah lakluh khap

Mizoram Chief Secretary leh State Disaster Management Authority-a State Executive Committee Chairman ni bawk, Lalnunmawia Chuau-ngo chuan Mizoram-a Vawk pul hri a lo luh loh nan thu leh awm hma atan Myanmar leh ram dang bakah State thenawm atangin Mizoram-ah Vawk, Vawksa leh Vawksa atanga thil siam (pigs, pork and other pig products) reng reng lakluh khapna thupek a chhuah a. He thupek ah hian AH&Vety Department chu vawk vulhna hmunhma te tithianghlim dan te, he natna vei ni a rin Vawk te chu khunghrang/dahhran an nih dan leh Vawk thi te chu tha taka phum a ni em tih enzuia vil tura tih an ni bawk.

Aizawl-ah Lockdown pawtsei

Aizawl Municipal Corporation (AMC) huam-chhunga tukin dar 4:30 thleng Total Lockdown kalpui tur alo puan tawh chu August 24, 2020 (Thawhtanni) zing dar 4:30 thleng atan pawhsei a ni a, hemi chhung hian Contact Tracing tih zui zel tur a ni ang.

YMA leh MPF thawhpui dawn

Tun thla ni 27-a Village Council leh Local Council inthlanna neih tur chungchangah nimin khan State Election Commission chuan Central YMA leh Mizoram People Forum (MPF) te chu Meeting neihpuiin heng inthlanna turah inthlanna felfai leh COVID-19 laka mipui an himna tura inthlan buatsaih a nih theihna atan thawhpuiah an sawm a, SEC sawmna hi Central YMA leh MPF te chuan pawmin thawh-ho dan tur hrang hrang an sawiho bawk.

MPYCC in mipuite chah

Congress Thalai, MPYCC chuan nimin khan thuchhuah siamin inthlan dawn apianga mipui hnena intiamkamna tam tak nasa taka aupuia thlantlin an nih hnua an intiamna bawhzui ngai lova Mizo mipui vawi tam tak min bumtu, MNF party chuan tun August ni 27-a Local Council leh Village Council inthlanpui lo awm tur atan mipuiah bumna hmanrua a hmang leh ta mek nia tarlangin, Mizoram mipuite chu chhia leh tha hriatna dik tak hmanga MNF Prty-te bumna laka fihlim turin an chah bawk.