India rama Infiammi te chawimawina sem a ni

Inrinni, August 29, 2020 kha ‘National Sports Day’ niin he Ni ah hian ‘National Sports and Adventure Award 2020’ chu sem a ni.

India rama infiammi te chawimawina hi India President, Ram Nath Kovind chuan Video Conference hmangin Rashtrapati Bhavan atangin ramchhung a infiammi thlanchhuahte hnenah a hlan a. National Sports Awards hi kumtin sem thin niin, kumin hian Rajiv Gandhi Khel Ratna Award dawng mi 5 an awm a, chung te chu Rohit Sharma (Cricket), Mariyappan Thangavelu (Para Athletics), Manika Batra (Table Tennis), Vinesh Phogat (Wrestling) leh Rani Rampal (Hockey) te an ni.

Kumin hian Dronacharya Award chu mi 13-in an dawng a, Arjuna Award chu mi 27-in dawngin, Dhyan Chand Award pawh mi 15-in an dawng a, Tenzing Norgay National Adventure Award chu mi 8 hnenah hlan niin, Panjab University, Chandigarh-in Maulana Abul Kalam Azad Trophy a dawng bawk. Kumin hian Rashtriya Khel Protsahan Puruskar dawng 4 an awm a, chawimawina dawng zingah hian thi tawh mi pahnih an tel bawk a ni.