Register vawng turin ngen

/

Serchhip Police te chuan hripui leng mekah sumdawnna dawr hrang hrangte chu anmahni dawrtu leh pantu te mumal taka chhinchhiahna lehkhabu siam turin an ngen.

Serchhip Police te hian nimin tlai khan Serchhip-a dawr lian, phailam atanga bungrua te chawlut thin leh Beauty Parlour leh Lumettu te bakah Badminton Hall leh Gym enkawltute chu Serchhip Police Station-ah kokhawmin tunlai hri leng mek chung-chang an sawipui a, he hunah hian Serchhip Police Station-a SI, C. Lalremthanga leh ASI, Michael Lalremsanga te chuan tunlai khawvel in kan buaipui mek COVID-19 hri leng chu mipui-ah darh palh thei a nih thu sawiin, hetianga Community Spread alo thlen palh pawha heng sum-dawnna hmun hrang hrang dawrute leh Hall bakah Gym-a kal te awlsam taka hriatchhuah-a chhui zui an nih theih nan heng hmuna kal te chhin-chhiahna tur lehkhabu (Register) mumal taka vawng turin an ngen a, he Register-ah hian heng hmun tlawhtute hming, pa hming leh an chenna bakah an eizawnna, anmahni biakpawh theihna leh heng hmun an tlawh hun te uluk taka ziak zel turin an ngen a ni. He hunah hian sumdawng leh heng hmun enkawltu mi 46 zet an tel a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »