ZM H/S awmna sawn tumin a building \hiah a ni

Serchhip Bazar atanga chhimlam-a High School awmchhun, Zoluti Memorial H/S chu sawn tum niin Inrinni khan a building hlui chu thiah a ni. Thudawn danin Serchhip-II huamchhung, Darnam Tlang-a Zoluti Memorial H/S hmun bulah hian Mizoram sawrkar chuan Youth Centre tur sa mekin hei hian he School panna kawng awmsa chu a tichhia a, hei bakah hian Sawrkar chuan ZM H/S thlanga LM M/S leh Darnam Tlang-a Govt. Darnam P/S chu hmun khat, LM M/S hmunah dah tura ruahmanna a siam bawk avangin ZM H/S hi thiatin a hmun hi laichhiat then tum a ni bawk a, hei vang hian tuna Darnam P/S awmna hmunah hian Zoluti Memorial H/S hi dah zui turin ruahmanna siam a ni ta a ni. Hetianga sawrkar in ruahmanna a siam ti puitling tur hian Order tihchhuah ala nih loh avangin Darnam Veng P/S hian an School hi an la chhuahsan lo thung a, hei vang hian ZM H/S bungraw thenkhat pawh Youth Centre sak mekah hian dah a ni a, tunkar hian Order hi tihchhuah beisei a nih thu kan thudawnna chuan a sawi bawk.
Serchhip-a Youth Centre tur sak mekah hian Indoor Volleyball Hall pawh a awm dawn a, tuna Zoluti Memorial H/S hi thiah a nih chuan a kawt zawl pawh hi Volleyball khelhna atan hman zui theih a nih tur Serchhip-II VC ter chuan an sawi bawk. Zoluti Memorial H/S hi Adhoc Aided dinhmun-a awm mek niin Zirtirtu 5 an awm mek a, nikum khan zirlai 45 zet neiin kumin hian an Zirtirtu pakhat a boral avang leh hri leng avangin Admission an la tifel lo thung a ni.

Comments

Chhiar Hlawhte