Chanchin thar thenkhat :

 Larsap hnenah ngenna thlen

BJP Mizoram Pradesh President, Vanlal-hmuaka chuan nimin khan Mizoram Governor, PS. Shreedharan Pillai chu hmu in Village Council leh Local Council inthlan hun ngaihtuah nawn anih theih nana pui tura ngenna ziakin a thlen. Nimin-a Mizoram Governor a hmuhna ah hian BJP Mizoram Pradesh President chuan Mizoram-ah COVID-19 hrileng in zual lam a pan lai leh nitin COVID-19 hri kai an pun zel laia VC leh LC Election hun puan a ni chu a thalo hle nia a hriat thu a sawi a, inthlan chungchang hi ngaituah nawn anih theih nan Mizoram Sawrkar leh Mizoram State Election Commission ah thlensak turin Governor chu a ngen a ni.


Mamit-ah Quarters hawng

Mamit-a Judicial Officers’ Residential Quarters sak thar chu nimin khan Justice Michael Zothankhuma leh Justice Nelson Sailo, Judge, Gauhati High Court-te chuan an hawng a, he hunah hian Justice Michael Zothankhuma chuan COVID boruak avangin thubuai remna kawnga Court kalphung pawh Virtual Court Video Confe-rencing hmangin tih thin anih thu sawiin, Mamit pawh District Court leh District Jail a inhlat avangin hetiang Virtual Court hmanga thubuai chinfel hi hman tum turin a fuih a ni. Mamit-a Judicial Officers’ Residential Quarters hi cheng nuai 465.13 senga sak niin Building pathum (3) a awm a ni.


Minister hovin thukhawm

Department 4 telna- Consultative Committee for Parliamentary Affairs Department, Law & Judicial Department, Transport Department and Environment, Forest & Climate Change Department te chu nimin khan Minister, TJ. Lalnuntluanga hovin SAD Conference Hall, Aizawl-ah an thukhawm a, he hunah hian MLA te leh Department 4 aiawh te chuan Agenda te thehlutin sawihona neih a ni a. Tuna an kalphung te leh siamthat ngai lai te pawh sawiho a ni bawk. Consultative Committee hi kum 1995 khan din a ni tawh a; June 2019 atang khan Guideline mumal zawk nen kalpui zel niin Committee pawimawh tak tak te pawh din a ni tawh a. Sawrkar lang-tlang leh rintlak a awm theihna tura hmalakna atanga Consultative Committee hi lo piang a ni.


Tuialhthei khuahkhirhna siam

Hrileng avanga Mizoram-a tuialhthei phurh-luh a muan avangin Mizoram sawrkar chuan Petrol leh Diesel hralhchhuahna a khuahkhirh a, Scooty tan litre 3 zel pekchhuah tur niin Two Wheeler dang tan litre 5 zel; LMV atan litre 10 zel leh Sumo, Pickup, 407 Truck leh Gypsy bakah Truck tan litre 20 zel pek tur a ni a. City Bus leh Medium Truck tan litre 100 zel pek tur niin Buhfai leh Essential Commodities phur Truck tan an Challan enin kallam leh hawlam daih pek tur a ni ang.


Zangnadawmna semchhuak

Lawngtlai District Legal Services Authority (DLSA) chuan nimin khan The Mizoram Victims of Crime Compensation Scheme, 2011 hnuaiah vanduaina tawk mi 6 te hnenah zangna-dawmna cheng nuai 26.5 semin kum 2018 khan cheng nuai 16 an lo sem tawh bawk a ni.

Comments

Chhiar Hlawhte