Serchhip District-a VC Seat 240 chuh turin Candidate 726 an awm dawn ta

Village Council inthlanpui lo awm tura chuh tuma hming pelut te tana inhnuhdawh hun chu niminpiah tlai dar 3:00 khan khar a ni ta a, Serchhip District-a VC Seat 240 chuh turin Candidate 726 an awm dawn a. Party behchhan nei lova inthlan chuh tur, Independent Candidate 46 zet an awm dawn bawk a ni.

Niminpiah lama Serchhip DC Office Election Branch atanga Nomination Paper thehlut zat tarlan tawh ah tih danglam leh Nomination Paper thehlut tawh zingah inhnukdawk te an awm leh bawk avangin Serchhip District chhung VC 54-a Seat 240-a inthlanna neih turah Candidate 726 an awm dawn ta a, heng zinga 546 te chuan a duh apiang tana chuh theih Seat (General Seat) 178 an chuh dawn a, midang 180 te chuan hmeichhia te tan chauha chuh theih (Reserved Seat) 62 an chuh dawn thung a ni.

Political Party hrang hrang zingah MNF chu Seat awm zawng zawng chuh kim vek tur awmchhun niin General Seat chuh turin Candidate 178 leh Reserved Seat chuh turin Candidate 62 an nei dawn a, Indian National Congress (INC) chuan General Seat chuh turin Candidate 161 leh Reserved Seat chuh turin Candidate 56, a vaiin Candidate 217 an nei a. Zoram Peoples Movement (ZPM) chuan General Seat chuh turin Candidate 152 leh Reserved Seat chuh turin Candidate 47, a vaiin Candidate 199 an nei dawn a, Bharatia Janata Party (BJP) chuan General Seat chuh turin Candidate 18 leh Reserved Seat chuh turin Candidate 6, a vaiin Candidate 24 an nei dawn a. Independent Candidate General Seat-ah 37 leh Reserves Seat-ah 9, an vaiin 46 an awm bawk a ni. Mizoram-a Political Party zingah National People Party (NPP), MPC, PRISM leh HPC te chuan Serchhip District-ah hian Candidate an nei dawnlo thung a ni.

Village Council mal-ah Serchhip District-a VC Seat ngah ber Thenzawl East VC-ah Candidate tam berin Seat 9 awm chuh turin Candidate 35 an awm dawn a, he VC-ah hian MNF leh INC ten Candidate 9 ve ve neiin ZPM in Candidate 8 an nei a, BJP in Candidate 7 neiin Independent-a chuh tur mi 2 an awm bawk. Seat 7 awmna North Vanlaiphai VC inthlanna chuh turin Candidate 31 an awm bawk a, MNF, INC leh ZPM ten Seat awm zawng zawng chuh vekin BJP in Seat 2 an chuh bakah Independent-a chuh tur mi 8 zet an awm bawk a, VC pakhat-a Independent Candidate tam berna an ni bawk.

Piler VC chu Candidate tlemna ber niin Seat 3 awm chuh turin Candidate 5 an awm a, MNF ten Seat awm zawng zawng chuhin INC in Candidate 2 an nei thung a, chuhtu awm lova tling awmna VC an awmlo bawk a ni.

Serchhip District-a VC hrang hrang zingah Candidate 30 aia tam awmna VC pahnih awmin Candidate 20 leh 30 inkar awmna VC 6 an awm a, Candidate 10 atanga 20 awmna VC 27 an awm a, Candidate 10 aia tlem awmna VC 19 a awm bawk a ni. Heng VC Candidate te list hi State Election Commission-ah thlehluh tawh niin heng Candidate atang hian mipui ten VC hi an thlang dawn ta a ni.

Tun tuma VC inthlanna neih turah hian Recognides Party-a Candidate te chuan an Party Symbol an hmang tlang thei dawn a, Independent Candidate te chuan Common Symbol atangin an duh an thlang thung ang.

Comments

Chhiar Hlawhte