BJP in MNF mualphona hliahkhuhtu-ah ngai

BJP Mizoram Thalaite chuan COVID-19 hripui leng chu MNF sawrkar tan malsawmna thlentu leh mualphona hliahkhuhtu niin an sawi.

Nimin a thuchhuah an siamah BJP Mizoram Thalaite chuan tunhnaia Minister of State, Dr. K. Beichhua-a’n Chief Minister, Zoramthanga a fak chiam chu a Tarmit vuah a fiahlo ah an ngai tih tarlangin, kum hei leh chen Sawrkarna chelh a Chief Minister lo ni tawh, Vision mumal tak leh dinchhuahpui tham pawh nei mang silo, mahni hamthatna chauh ngaihtuah tu Leader a ni tih a hrelo der mai mai ni ah an ngai tih an tarlang a. COVID-19 hripui hi leng lo ngat phei se chuan Mizoram-a Treasury te hi tun MNF Sawrkar-ah hian khar a ngai thup tawh zawk ngei ang tih tarlangin, chuvangin COVID-19 hripui leng hi MNF Sawrkar tan malsawmna thlentu leh mualphona tur hliahkhuhtu a nih a ni, an ti.