Ni 2-ah hri kai 2 hmuh an ni

Ni 2 chhungin Serchhip-ah COVID-19 hri kai mi 2 hmuhchhuah niin nimin leh niminpiah khan Serchhip-ah hri kai mi pakhat ve ve hmuhchhuah an ni. Thudawn danin nimin khan Ser-chhip District-a sawrkar hmunhmaa khunghran lai chu COVID-19 hri a kai tih hmuhchhuah a ni a, he hri kai hi Assam Regiment niin Assam atanga rawn haw niin July 3 khan Serchhip a rawn thleng a, sawrkar inkhunghranna hmuna awmlai a ni a, Serchhip Tarpi Tlang SIRD hmun-a Dedicated COVID Health Centre (DCHC)-ah enkawl nghal tur a ni ang.
Hemi hmalam niminpiah khan Serchhip a Sawrkar inkhunghranna hmun a khunghran lai chu COVID-19 hri a kai tih hmuhchhuah a ni bawk a, hri kai hmuhchhuah thar hi mipa niin Assam Rifles a ni a, tun thla ni 1-a Silchar atanga rawn haw leh Serchhip a rawn thlen hnua sawrkar hmunhmaa khunghran nghal a ni bawk.
Serchhip CMO Office-a thawktute chuan tuna hri kai enfiahna atan hian Rapid Antigen Test (RAT) hman a nih thu sawiin, Rapid Antibody Test (RAT) nen a thuhmun lo tih an sawi a, Rapid Antigen Test (RAT) hmanga hri kai hmuh-chhuah te chu an Swab Sample enfiah tura thawn kher a tul loh rualin hri an kai ngei tih erawh ICMR in an nemngheh a tul thu an sawi bawk.

Comments

Chhiar Hlawhte