AVBD ten thisen pe tam te chawimawi

Association for Voluntary Blood Donation (AVBD) General Hqrs. chuan kum 2019-2020 chhunga pawl hming-a a thlawna thisen pe tam te hnenah nimin khan chawimawina an hlan.

Pachhunga University College Seminar Hall-a nimin-a he hun hman hi MJA General Hqrs. President, Zonunsanga Khiangte chuan hmanpuiin damlo, mamawhtute tan a thlawna thisen mi in an pek theihna tura hmalatu Association for Voluntary Blood Donation te hnathawh chu fakawm a tih thu a sawi a, thisen pe tam te rawngbawlna a ropui hle rualin, Blood Bank-a thawktute hnathawh ropui a tih thu  a sawi bawk.

April 2019- March 2020 chhung hian Mizoram-ah Thisen Unit 30,448 a ni a pek atanga Unit 27,676 chu a thlawna pek 90.90%) a ni a. Heng zingah hian Kohhran thalai pawl te pek zat Unit 7979 a nih laiin zirna In ten Unit 6450 an pe a, YMA Branch/Joint hrang hrangte pek zat chu Unit 2558 leh pawl dangte pek zat chu Unit 3256 a ni a; Pawl hming ni lo, mahni-a pek (individual donation) atangin Unit 7433 pek a ni bawk. Pawl hminga thisen pe hnem ber chu National Service Scheme (NSS) niin Unit 5676 an pe bawk a ni.

Comments

Chhiar Hlawhte