Sub-Hqrs. YMA Conference la neih rihloh rel a ni

/

Serchhip Sub-Hqrs. YMA chuan kumin a YMA Sub-Hqrs. Conference neih tura lo rua-hman tawh chu COVID-19 hri leng avangin la neih rihloh nise an ti.

Serchhip Sub-Hqrs. YMA hian Inrinni khan Serchhip Sub-Hqrs. YMA Committee Room-ah Sub-Hqrs. YMA Executive Committee (SEC) thutkhawm neiin Sub-Hqrs. YMA Conference neih chungchang hi an sawiho a, ruahmanna hmasa ah chuan Serchhip Sub-Hqrs. YMA Conference vawi 7-na hi kumin April thla khan Thentlang-ah neih tur niin COVID-19 hri leng avangin neih theih a ni ta lova, SEC thu-khawm hian hri leng mek boruak thlirin mipui punkhawmna liantham buatsaih ala remchan loh avangin Conference hi la neih rihloh mai nise an ti a, hri leng dinhmun thlirin a hun tur hi la ngaihtuah leh tur a ni ang.

Hetianga Sub-Hqrs. YMA Conference neih theih a nih rihloh avang leh hruaitu thar thlanna neih theih ala nih loh avang hian Sub-Hqrs. YMA OB dinglai te chuan an chanvo lo chelh zui se an ti a, anni bakah hian SEC Member leh Committee peng hrang hrang hruaitute pawhin an chanvo lo chelh chhunzawm se an ti a. Serchhip Sub-Hqrs. YMA Vice President nilai, Lalzuiliana chuan a nihna atanga phatna a siam chungchang pawh ngaihtuah nghalin a aiawh ruat rihloh mai nise an ti a, Sub-Hqrs. YMA Kumpuan Committee Chairman hna a chelh lai erawh Sub-Hqrs. YMA Secretary, Lalrammawia'n lo chelh rih se an ti bawk.

SEC Meeting hian Serchhip Sub-Hqrs. YMA Zaipawl in Music Video an siam chu hun remchang hmasa ah tlangzarh nise an ti bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »