Mi 5 enkawl dam an ni

Serchhip District chhunga COVID-19 hri kai enkawl mi 5 te chu enkawl dam an nih hnuah nimin khan anmahni enkawlna hmun atanga chhuahtir an ni.

Serchhip District chhunga COVID-19 hri kai enkawlna hmun, Thenzawl AYUSH Hospital COVID Care Centre-a hri kai enkawllai mi 5 te hi hri an kai tawhlo tih nemngheh a nih hnuah nimin khan anmahni enkawlna hmun atang hian chhuahtir an ni a, heng hri kai enkawl dam mi 5 te hi BSF Sipai vek niin mi 4 te hi Zotlang-a awm leh pakhat hi Serchhip-a awm a ni.

Heti hian tun dinhmunah Serchhip District-ah COVID-19 hri kai enkawllai mi 78 an la awm mek a, Dedicated COVID Health Centre (DCHC) Serchhip-ah mi 5, Thenzawl a COVID Care Centre-ah mi 26 leh Serchhip Nursing School-a CCC-ah mi 47 te an ni a, nimin khan Thenzawl CCC-ah hian mi 3 dahluh thar an awm a ni.