Campaign hun tawp dawn

Tunkar Ningani a Village Council inthlanna neih tura inbuatsaihna chuan a vawrtawp thlengin Vawiin tlai dar 5:00 hian campaign theih hun a tawp ang.

Serchhip Election Office atanga thu kan dawn danin tunkar Ningani a Village Council inthlanna neih turah hian vote thlak tawp hun atanga chhiarleta darkar 48-ah campaign theih hun khar tur a nih angin Vawiin Thawhlehni, August 25, 2020 tlai dar 5:00 hian campaign theih hun hi a tawp dawn a, hemi hnu hi chuan inthlanna kaihhnawih a campaign hrang hrangte chu kalpui phal a ni tawh lo anga, mahni vote neihna nilo-a campaign te pawhin an campaign-na hmun an chhuahsan a ngai tawh dawn bawk a ni.

Kumin a Village Council inthlanna neih turah hian In tin-a lut lawr-a campaign leh vote tura sawmna lehkha sem chu campaign dan tlang-lawn ber a ni a, hmun thenkhat ah candidate te thlalak tar pawh hmuh tur awmin Social Media lama campaign-na pawh a lar viau bawk a. Hri leng avangin VC Area thenkhat ah chuan kar hmasa lam khan campaign hun hi tihtawp a lo ni tawh bawk a ni.