Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Ruihhlo Do pawl din thar

Serchhip Bazar Hnuai-a vengchhung pa ho chuan tunhnai khan ‘Bazar Hnuai Ruihhlo Do Pawl’ an din.

‘Bazar Hnuai Ruihhlo Do Pawl’ hian Serchhip District Superintendent of Police hnenah hemi chungchang hi ziaka thlenin, an Vengchhung ah Ruihhlo a hluar tak avangin tun thla ni 11 zan khan an vengchhung pa ho te chuan ruihhlo thenfai hna thawk tur hian pawl an indin thu hi an hriattir a, he hna an thawhna kawngah hian theihtawp chhuaha tanpui turin an ngen bawk a ni. Bazar Hnuai Ruihhlo Do pawl-ah hian H. Lianhnuna chu Chairman niin Vice Chairman-ah B. Van-lalhruaia a ni a, Secretary-ah Lalfakzela leh Ramengmawia te awmin Treasurer-ah Vanlalsiama te an in ruat nghal bawk a ni.

Comments

Chhiar Hlawhte