Inthlanpui atan inbuatsaih

Karleh Ningani-a Village Council inthlanpui neih tur atana inbuatsaihna chu Serchhip District-ah tluang taka kalpui mek a ni.

Mizoram State Election Commission in Mizoram-a Village Council inthlanpui, tun thla ni 27 (karleh Ningani)-a neih tura ruahmanna a siam angin Serchhip District-ah he inthlanpui hi tluang leh felfai taka neih a nih theih nan inbuatsaihna kalpui mek zel a ni a, tun thlengin harsatna awm lovin inbuat-saihna hi kalpui mek a ni. He inthlanna neih tur atana chuh tum te Nomination Paper tihfel a nih hnuah tunah hian Ballot Paper buaipui mek niin Serchhip District chhung VC 54-a inthlanna ah hian Common Ballot Paper hman tur a ni dawn a, hemi ang hian Ballot Paper pakhat ah Candidate te hming chu chhu chhuakin heta tang hian Vote thlaktu tur ten an duh an thlang thei dawn a ni.

He inthlanna buaipuitu tura ruat te tan hian training thawhkhatna pawh neih zawh a ni tawh a, ruahman lawk ang chuan karleh tir lam khian Training thawh hnihna chu Returning Officer te tan buatsaih leh a ni anga, hetah hian inthlanna atana mamawh tur hmanrua chi hrang hrangte pawh semchhuah nghal a ni ang.

Comments

Chhiar Hlawhte