Union Minister of State for Tourism in Thenzawl-a Golf Course a hawng

/
Union Minister of State for Tourism, Prahlad Singh Patel chuan nimin khan Thenzawl Golf Course chu NIC Video Conference kaltlangin a hawng a, he hunah hian Mizoram Tourism Minister, Robert Romawia Royte chu khual zahawm niin Union Minister aiawh hian Golf Course hawnna Ribbon chu a chpchat a ni.
Thenzawl Golf Course hawnna hunah hian Union Minister of State for Tourism, Prahlad Singh Patel chuan Mizoram chu India ram zinga ram mawi ber pawl, Biological hotspot leh khualzin (tourist) te tana ram nuam leh Indian Foreign Policy zinga pawimawh em em ‘Act East India Policy’ hlawhtlin nana state pawimawh tak a ni, a ti a. COVID-19 hripui leng karah Project Fund tang leh khaihlak a awm lo ang, a ti a. A hun taka hna thawh zawh leh tha taka thawh a nih chuan Ministry atangin funding-ah harsatna Mizoram sawrkar-in a neilo ang tih sawiin, COVID-19 hri leh hnu atan Mizoram sawrkar chu Tourism Industry hmasawn nan a inbuatsaih sauh sauh a ngai a ni, a ti bawk.
He hunah hian Mizoram Tourism Minister, Rober Romawia Royte chuan Union Minister, Prahlad Singh Patel-a’n Video Conference kaltlanga Thenzawl Golf Course a hawng chu lawmawm a tih thu sawiin, ‘Grade B Certified’ Thenzawl Golf Course chu hmasawnna rahbi niin, India State tlemte zingah Mizoram in Golf Course tha tak a nei chu ropui a tih thu a sawi a. Thenzawl Golf Course chuan tlawhtu tam tak a neih a rin thu leh a chhehvela khawsa te tan eizawnna ti awlsamtu leh Tourism lamah hmasawnna thlentu anih a rin leh beisei thu a sawi a. Minister chuan Central project hrang hrang- PRASAD (Pilgrimage Rejuvenation and Spiritual Augmentation Drive) Scheme, Construction of Convention Centre in Mizoram leh Swadesh Darshan-2 hlawntlin nana Mizoram sawrkar hnathawh kal mek leh mamawh hrang hrangte a thlen bakah, Union Minister in hma a lakpui tawhna zawng zawngah lawmthu a sawi bawk.
Thenzawl Golf Resort hi Swadesh Dar-shan hnuaia cheng nuai 6448.08 senga zawhfel a ni a, Edufice Infraservices Private Ltd., New Delhi in a siam hna hi thawkin, January, 2016 khan bul tanin, April 22, 2019-ah zawhfel a ni. Helai hmunah hian Eco Log huts 30, Cafetari, Convention Centre, Gazebos 8 leh 18 Hole Golf Course, Parking te a awm a ni. Thenzawl Golf Course hi Graham Cooke & Associates design a ni.
Nimin a Thenzawl Golf Course hawnna hun hi Tourism Commissioner & Secretary, Esther Lal Ruatkimi chuan kaihruaiin Official tlemte an tel a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »