Naupang venhimna kawngah hma la mek zel

/
Serchhip District Child Protection Unit (DCPU) chuan naupangte venhim leh enkawlna kawngah nasa takin hma an la mek. Serchhip District Child Protection Union (DCPU) hian Integrated Child Protection Scheme (ICPS) hnuaiah naupangte venhimna kawngah hma la mekin kumin January atanga July thla chhung khan Child Welfare Committee (CWC) hnuaiah naupangte enkawl leh venhim ngai kaihhnawih ah Case 17 ngaihtuah niin 14 chu chinfel a ni a, tunah hian la chinfel loh 3 a awm a. Naupang kum tlinglo pawikhawih te chungchang ngaihtuahtu, Juvenile Justice Board pawhin kumin January atanga July thla chhung khan thubuai 32 ngaihtuahin heng zinga 31 chu chinfel niin tunah hian chinfel loh pakhat ala awm bawk a ni. Child Protection Services hnuaiah pawh naupang harsa te tan-puina leh chhawmdawlna kalpui mek niin tunah hian naupang 41 chu sponsored mek an ni a, heng mite hi thla khat ah Rs. 2000/- zel pek thin an ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »