India-ah COVID-19 hri kai nuai 35 an chuang ta

India rama COVID-19 hri kai hmuhchhuah chu nuai 35 an chuang ta a, hri kai zinga nuai 27 chuang chu enkawl dam an ni tawh bawk.

Ministry of Health & Family Welfare chhinchhiahna atanga a lan danin darkar 24 kalta chhung khan India ramah Sample 10,55,027 enfiah leh niin hri kai 78,761 zet hmuh belh leh an ni a, heti hian India rampumah Sample 4,14,61,636 enfiah niin hri kai hmuhchhuah 35,42,733 an tling tawh a, India rama Sample enfiah atangin hri kai hmuhchhuah hi 8.54% a ni. Hetihlai hian darkar 24 kalta chhung vek khan mi 64,935 te chu enkawl dam niin hri kai enkawl dam zawng zawng chu 27,13,933 an tling tawh a, hri kai hmuhchhuah zinga zaa 76.6 te chu enkawl dam ni tawhin tunah hian hri kai enkawllai 7,65,302 an la awm mek bawk a ni.

India ramah hian hri kai zinga nunna chan pawh an pung ve zel a, darkar 24 kalta chhung khan mi 948 te thi lehin hri kai zinga nunna chan hi 63,498 an tling tawh bawk a ni.


Home Minister Hri lakah fihlim tawh tih puang

Union Home Minister, Amit Shah chu COVID-19 hri lakah enkawl dam a ni tawh a, damdawi In atanga chhua tir vat a nih beisei a ni. Union Home Minister hi tun thla ni 2 khan COVID-19 a kai tih hmuh chhuah niin tun thla ni 14 khan hri a kai tawh lo tih finfiah a ni a, hemi hnu hian a hriselna dinhmun a tlakhniam leh avangin August 18 khan AIIMS, Delhi-ah dahluh leh a ni. Amit Shah hi a taksa ala chauh deuh avangin damdawi In-ah hian la dahin hna pawh a thawk pah a ni.

Comments

Chhiar Hlawhte