RT-PCR leh TrueNat Test man tur bithliah

Mizoram sawrkar chuan Vawiin, August 1, 2020 atanga hman tan turin Mizoram-a RT-PCR leh TrueNAT-a Sample enfiah man tur a ruahman ta. Hemi chungchanga sawrkar thuchhuah in a tarlan danin RT-PCR leh TrueNat Test-na senso chu RT-PCR-ah Rs. 5,539/- leh TrueNat-ah Rs. 4,463/- a ni a. Hei hian Sample Collection, Processing leh Reagent senso zawng zawng a huam a, amaherawh chu Mizoram sawrkar chuan mipuite tana senso hautak lo zawk, subsidized rate leh flat rate-a test a nih theih nan ruahmanna siamin ICMR in test tura a tih te leh Mizoram Sawrkarin Contact Tracing -na a test tura a tih te chu a thlawna tih tur ala ni ang.
Sawrkar Quarantine Centre-a awmte leh tunhnaia DM&R Department in Quarantine dan tur a siam-a Catergory B, C, D & E- a a dahte tan RT-PCR Test man Rs. 2500/- leh TrueNat-a test man chu Rs. 1500/- a ni anga, mahni duh thu-a Test duhte tan RT-PCR ah Rs. 4500/- leh TrueNat-ah Rs. 3000/- a ni anga, Mizoram chhuahsan tur, Certificate pek ngaite tan pawh RT-PCR ah Rs. 4500/- leh TrueNat-ah Rs. 3000/- a ni ang. Hetianga rate siam a nih tak avang hian Testing Fee-te hi Chief Medical Officer-te chu anmahni bial chhung theuhah lo lakhawmin sawrkar revenue a chhunglut tura tih an ni a, he rate thar hi August 1, 2020 atanga thu leh awm hma chu hman tur a ni ang.

Comments

Chhiar Hlawhte