Latest News

Mizoram-ah hri kai hmuhchhuah belh zel an ni

Inrinni khan Mizoram-ah Sample 3866 enfiah niin hri kai 345 hmuh a ni a, Inrinni-a hri kai hmuhchhuah thar tarlan zingah hian a hma lama Lawngtlai District chhung Karlui-I a hri kai lo hmuhchhuah tawh mi 147 zet chu ziahluh thar an nih avangin hri kai hmuhchhuah hi a tam phah niin a lang.

Sector Magistrate leh an bial tur tihfel a ni

Tun thla tawp lama Serchhip District chhunga Village Council inthlanpui neih tur atan Serchhip District a Sector Magistrates tur leh an bial tur ruat fel a ni.

Hemi chungchanga Serchhip District Election Officer, Kumar Abhishek-a’n thuchhuah siama a tarlan danin Sector Magistrate hi mi 6 ruat an ni a, Serchhip SDO (Sadar), C. Lalduh-zuali chuan Serchhip-IV, Serchhip-VI, Ser-chhip-VII, Serchhip-VIII, New Serchhip North, New Serchhip South, Chhiahtlang North, Chhiah-tlang South, Bungtlang leh Keitum te a enkawl anga. Thenzawl SDO (Civil), Kulothungan A. chuan Thenzawl khawchhunga VC zawng zawng bakah Neihloh, Buangpui, Kanghmun South leh Zote South te a vil thung ang.

North Vanlaiphai SDO (Civil), Dorothy Muansangi chuan N.Vanlaiphai, Lungkawlh, Lungchhuan leh Bawktlang te vilin East Lungdar BDO, H. Lalhruaitluanga chuan East Lungdar, Mualcheng, Leng, Sailulak, Chekawn, Sialsir, Khawlailung, Piler leh Hriangtlang te a vil anga, Serchhip SDC, Manesia Khameichho chuan Ser-chhip-I, Serchhip-II, Serchhip-III, Serchhip-V, Thentlang, Khawbel, Hmuntha, Hmunzawl, Thinglian, Rullam, Ngentiang leh Lungpho te a vil thung anga, SDC bawk F. Lalnisai chuan Chhingchhip, Mualpui Chhingchhip, Hualtu, Khumtung, Baktawng, Hmawngkawn, Chhuan-thar Tlangnuam, Sialhau leh Vanchengte te a vil dawn bawk a ni. Village Council inthlanpui neih turah hian heng Sector Magistrate te hi an huam-chhung theuh ah Magisterial Power pek an ni.

Comments

Chhiar Hlawhte

Serchhip District-ah COVID-19 Vaccine pe leh dawn