Latest News

District 2-ah MPF District Forum din a ni

Niminpiah khan Saitual leh Khawzawl-ah MPF District Forum dinin hruaitu tur thlanna neih a ni.

Mizoram District thar pahnih-a Mizoram Peoples Forum (MPF) MPF District Forum dinna hi MPF President, Synod Moderator ni bawk Rev. R. Lalchangliana leh MPF General Secretary, Rev. R. Lalnuntluanga ten hmanpuiin MPF Constituency Forum leh Local Forum hruaitute bakah NGO hruaitute an tel a. MPF President chuan MPF chu kan ram politics siamthatu, Political Party zawng zawng pawhin an zah rawn a ni, tiin, “Kan ram chhung politics pawh a thianghlim sawt sawt a, politics chungchangah ngaihdan dik min siamsak a, party mala ruh ngun, thiltha tithei tawh lo khawpa mahni hamthatna leh mahni hmasial ringawt umna khawvel, kha saltanna atang khan MPF zirtirna hian min hruaichhuak a, kan ramin malsawmna bul a dawnna pawh a ni,” a ti.

MPF General Secretary, Rev. R. Lalnuntluanga chuan August 27-a Local Council leh Village Council inthlan neih turah MPF leh Political Party-ten thawhhona thuthlung an neihsa te ennawnin tlem azawng siamthat an nei tih a sawi a. Thawhhona thuthlung an tihdanglam zingah – Candidate ten mi In an tlawh phal a ni anga, Candidate-te tel lova Party Worker-te mi In-a luta an Campaign thin chu phal ni lo se an ti a. Tunhma a Joint Platform an khap thin pawh tunah chuan an khap hran tawh lo tih a sawi a. MPF chu inthlan dawn chauha hma la thin tur ni lovin, ram rorelna te, ram mipui sukthlek dik tawhlo lutuk siamthat te chu a tih tur a ni tih a sawi bawk.

Comments

Popular News (Last 30 Days)