Chanchin thar thenkhat :

 PWD E-in-C in tlangzarh

PWD Engineer-in-Chief, Er. K. Lalsawm-vela chuan nimin khan World Bank Project sum hmanga tihpuitlin Smart Attendance System (SAS) leh Moveable Asset Tracking System (MATS) te chu a hawng. Smart Attendance System (SAS) hian a tum ber chu Department-a Officers leh Staff tin te Office hunbi dik taka an vawn theih niin Staff attendance bakah an luh leh chuah hun te pawh chhinchhiah theih a ni dawn a, hemi atan hian Staff tin te chu RFID Technology hmangin ID card siamsak an ni a, Office hrang hranga an luh leh chhuah dar zat nen a lo record zel tawh dawn a ni. Movable Asset Tracking System (MATS) hi PWD in lirthei leh hnathawhna khawl a neih ho 250-ah GPS device vuah mek a ni a. GPS device hmang hian khawl/ lirthei awmna hmun, tlan dan leh lirthei Condition Report te awlsam takin a hriat theih tawh dawn a ni.


In report turin hriattir

Labour, Employment, Skill Development & Entrepreneurship Department (LESDE) chuan COVID-19 hri leng avanga Mizoram pawn-a hnathawk (Migrant Workers) rawn haw te hna-thawh tur zawnsakna kawngah hma a la mek zel tih sawiin, ramdanga an hnathawh hriatchian a nih theih nan COVID-19 hri leng avanga Mi-zoram-a rawn haw zawng zawngte in report vek tura ngen leh hriattir an ni tih a sawi a. Hemi atan hian Online-a in report duh tan forms.gle/cb6vC53yhWxJiqz89-ah in report theih a nih thu leh Online hmanga mahni in-report thei lo chuan Phone No. 9612178864/9366349016 ah te Office hun chhungin Phone hmangin in-report theih a nih thu an tarlang bawk.


Khaw 4-ah inkharkhip puang

Tunhnaia Melriat-a COVID-19 hri kai an hmuh pakhat chu Tlungvel khaw mi Aizawl kal haw in Zirtawpni khan an lo tlawhpawh tih hriat a nih avangin a hnuchhuina kal zelah Thingsul-thliah, Thingsulthliah Tlangnuam, Tlungvel leh Phul-mawi khuaah inkharkhip puan ve leh a ni.


CM Relief Fund dinhmun

Niminpiah August 25, 2020 thleng khan Mi-zoram-a COVID-19 dona kawnga hmalakna atan Mimal, Pawl, Kohhran, Sawrkar hnathawk, MLA leh mi hrang hrangin Chief Minister’s Relief Fund-a sum an chhunluh chu Rs. 20,76,28,996/- zet a tling tawh a, heng atang hian Utilization Committee on Chief Minister’s Relief Fund (CMRF) for COVID-19 rel angin Rs. 19,26,96,069/- chu hman a ni tawh a, tunah hian Rs. 1,49,32,927/- ala awm mek a ni.


MDC by-election neih a ni

Mara Autonomous District Council (MA-DC) hnuaia 18-Siaha North-I MDC Constituency-a MDC, Ng. Silla a boral avanga a hmun ruak luah tura by-election atan nimin khan mipui ten Vote an thlak a, he inthlanna ah hian Candidate mi pathum (3) awmin Vote nei mi 1627 atangin mi 1368 ten Vote an thlak a, Vote tla hi 84.08% a ni. He inthlanna a Vote tla te hi naktuk chawhma dar 11:00-ah Siaha DC Office-a Planning Branch Room-ah chhiar a ni ang.

Comments

Chhiar Hlawhte