Adviser to Chief Minister in Serchhip tlawh

/

Adviser to Chief Minister, C. Lalramzauva chuan nimin khan Serchhip khua rawn tlawhin karleh-a Village Council inthlanpui neih tura MNF Party Candidate hrang hrangte kawmin inthlanpui neih tur an thlirlawk.

Adviser to Chief Minister hian nimin khan Serchhip khawchhung chhimlam atanga tanin karleh Ningani-a Village Council inthlanpui neih tura VC Area hrang hranga an Party Candidate turte hi a kawm a, C. Lalramzauva chuan Village Council te chu mahni area tan chauha thawk tur an ni lo tih sawiin, Serchhip khaw tana thawk tur an ni tih in hre reng turin a chah a, VC Area hrang hrangah an party Candidate te chu an tlin ngei a beisei thu pawh sawii, amaherawh chu mipui kutthlak tur a nih avangin chaklo palh ve thei an nih avangin Campaign theih hun chhungin theihtawp chhuah turin a chah a, hetianga theihtawp an chhuah a nih chuan Pathian malsawmna pawh an chan tlan ngei a beisei thu a sawi bawk.

Adviser to Chief Minister hi Aizawl lam atangin an Party hruaitu thenkhat te pawhin an rawn tawiawm a, nimin a Serchhip VC area hrang hrang a tlawhna ah hian Serchhip East Block MNF hruaitu te pawhin an tawiawm bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »