Mizoram District 9-a Village Council leh Local Council inthlanna tluang taka zawhfel a ni

Mizoram District 9-a Village Council (VC) leh Local Council (LC) inthlan Vote thlak tluang taka neih a nih hnuah result te chhiar zawhfel a ni tawh.

Aizawl khawpui chhunga Local Council 59-ah MNF Party chuan LC 50-ah hnehna changin , INC in LC-4 ah hnehna an chang a, ZPM in LC pakhat ah hnehna an chang a, Party mal chak bik awmlohna LC 4 a awm bawk. AMC hnuaia Local Council inthlanna ah hian MNF in Seat 262, INC in Seat 84, ZPM in Seat 23 leh Independent in Seat 12 an la a, LC 24-ah te chuan inthlanna neih a ni rihlo thung.

Kolasib District-a VC 56-a inthlanna ah Vote zaa 73.50 a tla a, MNF in VC 32-ah Sawrkarna an siam a, Congress in VC 11-ah sawrkarna siamin, ZPM in VC 3 leh Independent VC awmna khaw 2 a awm bakah VC 8-ah chuan sawrkarna siam thei khawpa chak an awmlo thung. Mamit District-ah chuan VC 90-ah inthlanna neiin MNF Party chuan VC 56 ah hnehna an chang a, Congress in VC 19-ah, ZPM in VC pakhat leh Independent in VC 3-ah sawrkar an siam thei a, chak bik awmlohna VC 11 a awm bawk.

Hnahthial District-a VC 30-a inthlanna ah Vote zaa 77.97 a tla a, MNF party in khaw 21-ah sawrkarna siamin, INC in khaw 8-ah sawrkarna an siam a, ZPM leh Independent Candidate ten khaw khat ve ve ah sawrkarna an siam bawk. Khawzawl District-ah chuan VC 38-ah inthlanna neiin MNF in VC 22-ah hnehna an chang a, ZPM in VC 5 la in INC in VC 3 an la a, Independent Candidate in VC pakhat-ah hnehna an chan bakah chak bik awmlohna VC 7 a awm a, Vote zaa 77.26 a tla a ni. Champhai District-a VC 62-ah Rorellai MNF Party chuan VC 38-ah hnehna an chang a, INC in VC 7-ah hnehna changin ZPM in VC 5-ah hnehna an chan bakah Independent ten VC 2-ah hnehna an chang a, Party mal chak bik awmlohna VC 10 a awm bawk. Champhai District-ah hian vote zaa 74.03 a tla a ni.

Village Council 44 awmna Saitual District-ah chuan MNF Party in VC 27-ah hnehna changin, INC leh ZPM in VC 4 ve ve ah hnehna an chang a , Independent Candidate ten VC pathumah hnehna changin Party mal chak bik awmlohna VC 6 a awm a, District pumah Vote zaa 76.05 a tla bawk. Lunglei District-ah chuan VC 113 awmin Vote zaa 76.59 a tla a, VC 54-ah MNF in hnehna changin VC 30-ah Congress an chak a, VC 8-ah ZPM an chak a, chak bik awmlohna VC 20 a awm bawk a ni.

Comments

Chhiar Hlawhte