Hri kai 18 enkawl mek an ni

Serchhip District-a COVID-19 hri kai mi 18 enkawl mek niin Quarantine Facility-ah mi 53 an awm mek bawk. Niminpiah a Serchhip-ah COVID-19 hri kai mi pakhat hmuhchhuah chu DCHC-ah dahluh niin heti hian Serchhip SIRD a DCHC-ah hian hri kai enkawllai mi 3 an awm mek a. Thenzawl-a CCC-ah hri kai enkawllai mi 15 la awmin Serchhip District-a hri kai en-kawl chu 18 an ni ta a ni. Nimin khan Serchhip atang hian ZMC-ah Swab Sample 2 thawn niin Rapid Antigen Test-ah pahnih thawn leh niin nizan khan result hriat theih beisei a ni.

Serchhip District chhunga Quarantine Facility hrang hrang atangin nimin khan mi 6 te chu chhuahtir niin inkhunghrang thar mi 2 an awm bawk a, tunah hian inkhunghrang mi 53 awmin Tourist Lodge, Serchhip-ah mi 9, P&E Rest House, Bukpui-ah mi 1, Sanik School, Chhingchhip-ah mi 6, Tourist Lodge, Thenzawl-ah mi 8, Eklavya Model Residential School-ah mi 23 leh Highway Restaurant, Chhiahtlang-ah mi 4 te an ni.