Latest News

Vaccine pe chhunzawm dawn

 Serchhip District chhunga Health Care Workers te hnena COVID-19 Vaccine, Covishield pek hna thawh mek chu Inrinni leh Pathianni te chawlh anih hnuah Vawiin hian Vaccine pekna tura ruahman hmun thum-ah pek chhunzawm a ni leh dawn a, thudawn danin Serchhip District chhunga mi 450 te hri danna pek turah ni 2 chhung khan mi 306 te chu hri danna hi pek hman an ni a, Presbyterian English School leh Midland M/S-ah mi 121 ve ve te hri danna pek ni tawhin Thenzawl CHC-ah mi 64 te hnenah hri danna hipek an ni tawh bawk a ni.

Agriculture Development Board thukhawm

Agriculture Minister, C. Lalrinsanga hovin nimin khan Agriculture Development Board chuan kumin Thlasik thlai atana inpuahchahna tur ruahmanna siamin an thukhawm.

He thutkhawm ah hian Agriculture Minister chuan, kumin Fur-ah Agriculture Department chuan Vaimim chingin hma an la a, ttunah a thar hun a lo nih chhoh tak avangin a seng zawh huna ruahmanna awm tawh te thlirhona neih vat a tul a ni, a ti a. Thlasik hun atana inpuahchahna tur ruahmanna siam ran a nih loh chuan COVID-19 avang pawhin a muan palh theih tih a sawi bawk.

He thutkhawmah hian Thlasik huna thlai thar turah, Chana lam chi leh Be lam chi bakah Antam Tel thlan a ni a. Thlai chi thar hlawk leh thar hma ngaihtuah ran tur a ni anga, Loneitute mamawh hrang hrang pawh a hma lama ngaihtuahsak nise tih an rel bakah kumin Fur khar nan thlai thar seng zawh huna ruahmanna kalpui dan tur mumal tak duan a ni bawk.

Board Meeting chuan District khat, Thlai thar thuhmun, (One District One Crop pattern) kalpui atana thlai thlan dan tur te, The Farmers (Empowerment and Protection) Agreement on Price Assurance and Farm Services Ordinance, 2020 te, The Farmers’ Produce Trade and Commerce (Promotion and Facilitation) Ordinance, 2020 leh tunhnaia Central Sawrkarin Agriculture Scheme thar a siam te bakah Agriculture Produce and Livestock Marketing chungchanga dan thar duan mek a nih dan te sawihovin, inrawnna hun an hmang bawk.

Comments

Chhiar Hlawhte