Serchhip District-ah MPF ten hma an la leh dawn

Serchhip District chhunga Village Council inthlanna neih tur chungchang ngaihtuahin nimin khan Mizoram People Forum (MPF) Serchhip District Forum Office Bearers te chu an thukhawm.

Serchhip Sub-Hqrs. YMA Office-a MPF Ser-chhip District Forum OB Meeting hi an Chairman, Rev. Lalawmpuia chuan kaihruaiin tun thla ni 27-a Village Council Inthlan lo awm turah Inthlan thianghlim leh felfai taka kalpui leh anih theihna tura MPF General Hqrs. atanga lehkha hmuhte chhiarchhuaha sawiho ngaite sawiho a ni.

He Meeting hian he inthlanna neih turah hian MPF hruaitute chu Duty-a fehchhuah leh nise tiin Serchhip District Election Office atanga VC Electoral Roll an dawn te chu District chhunga Constituency Forum tinah semchhuah nise an tih bakah District hruaitute term a tawp tak avangin District MPF hruaitu thar inruat leh hun ruahman nise an ti bawk.

MPF Serchhip District OB Meeting hian VC Inthlan thianghlim leh felfai a awm theih nan Constituency Forum leh Local Forum ten theihtawp a hmalak leh nise tiin hruaitu inruat thar ala nih hlawm loh avangin Local Forum dinglai ten hma lain harsatna nei ten mahni area-a YMA Branch te phungbawm-ah sawm nise an ti a. A hma lama MPF leh Political Party ten thawh-hona thuthlung an lo siam tawh kenkawh leh District Magistrate in kaihhruaina a siam ken-kawh chu hmalakna tura ruahman niin VC Inthlan ni-ah District MPF hruaitu ten Booth hrang hrang tlawh leh nise an ti a. District Forum hruaitu term a tawp tawh avangin a rang lama hruaitu inruat thar nise an ti bawk.

Comments

Chhiar Hlawhte