Electronic Weighing Machine nei vek turin hriattir

All Mizoram Cement & Iron Rod Dealers Association chuan Iron rod zawrhna dawr te chu September thla ralhmaa Electronic Weighing Machine nei vek turin an hriattir.

Inrinni-a thuchhuah an siamah All Mizoram Cement & Iron Rod Dealers Association chuan Iron Rod buk dik tak mipui ten an lei theih nan hma an la zel tih sawiin September, 2020 ralhma ngei a Electronic Weighing machine nei lo leh hmang lo te hmang vek tur leh a hmanglo te chungah na takin action lak an tum tih an sawi a. Electronic weighing Machine chu Districts hrang hrang Legal Metrology Office-ah endik tir hmasak phawt turin an ti bawk.

All Mizoram Cement & Iron Rod Dealers Association chuan tunlaiin Cement leh Balu-ah Mizoram in harsatna a tawk tih sawiin, hei hi Vairengte-a COVID-19 Screening Point-a Test positive-te an dahkhawmna ah enkawlna mumal an dawng lo nia thu a than nasat avangin driver te hian rawn kal an hreh phah niin an sawi a. Hei bakah hian kawng chhia vangin lirthei khalhtu ten kal an hreh bakah bungraw phur ten over load a bungrua an phurh theih tak loh vang niin an sawi bawk.