India-ah COVID-19 hri kai nuai 19 an chuang ta

India rama COVID-19 hri kai hmuhchhuah chu nuai 19 an tling ta a, darkar 24 kalta chhung khan hri kai 52,509 zet hmuhchhuah leh an ni bawk. Ministry of Health & Family Welfare chhinchhiahna atanga a lan danin darkar 24 kalta chhung khan India ramah sample 6,19,652 enfiah leh niin heng atang hian hri kai 52,509 zet hmuhchhuah leh niin heng te nen hian India rama COVID-19 hri kai hmuhchhuah chuan 19,08,254 an tling ta a ni. India ramah hri kai hmuhchhuah an pun zel lai hian enkawl dam pawh an pung ve zel a, darkar 24 kalta chhung khan mi 51,706 zet enkawl dam niin tun thlenga enkawl dam chu 12,82,215 an tling tawh bawk a, hei hi hri kai hmuhchhuah atanga chhutin zaa 67.19 an tling tawh a, tunah hian hri kai enkawllai 5,86,244 an awm mek a ni.
Darkar 24 kalta chhung vek khan hri kai mi 857 te chuan nunna chanin hri kai zinga nunna chan hi 39,795 an tling tawh bawk a, hei hi hri kai hmuhchhuah atanga chhutin zaa 2.08 a tling tawh bawk a ni.

Comments

Chhiar Hlawhte