Latest News

Thorang bialtu MLA in khawl pek hman dan en

Thorang bialtu MLA, Zodintluanga Ralte chuan kumin July thla tir lama RT-PCR khawl a lei, Lunglei Civil Hospital-a dah mek chu hman tangkai a nih leh nihloh nimin khan a en.

Thorang bialtu MLA hian RT-PCR khawl a lei nimin zing-a a en lai hian he khawl hi Hospital Psychiatry Room-ah dahthat a ni a, Medical Superintendent, Dr. SR. Ngurchamliana chuan Health Department Secretary lam atangin khawl chu tha taka lo dah rih tur leh an thu leh hla ngaichang tura hriattir an nih thu a lo hrilh a ni.

Zodintluanga chuan tun dinhmunah COVID-19 hri chu Aizawl lamah chuan vantlang ah inkaichhawn a awm tawh tih sawiin, Lunglei lam chu vantlang inkaidarh kawngah himin la lang rih mahse fimkhur a tul thu leh, khawl tha zawk hman tur a awm reng hman nachang kan hre har lutuk ang tih a hlauhawm thu a sawi bawk.

Comments

Popular News (Last 30 Days)